Bliain 7 - An Damhan Alla agus an Mhioltóg

Event 708a

’Sé dúirt an damhán alla le míoltóigín lá: 

“Ó! Tar liom abhaile, a chréatúirín bhreá: 

Tá grian gheal an tsamhraidh ag damhsa ar mo theach, 

Tá ithe ’gus ól ann–nach dtiocfá isteach?” 

Dúirt an créatúr míchéillí ag féachaint isteach: 

“Is tú croí na féile, is breá é do theach: 

Ach deirtear go mbíonn tú ag ithe ’s ag ól

Míoltóigín mar mise, idir fhuil agus fheoil.” 

Dúirt an damhán alla–is é a bhí glic, 

“Is bréag mhór, dar m’anam, an scéal sin, a mhic; 

Tá caoireoil, tá mairteoil, tá bainne anseo, 

Is an té a bheadh marbh dhéanfaidís beo.” 

Bhí an créatúirín meallta le comhrá mar sin, 

Dúirt sé, “tá mé sásta, mar tá tú chomh binn;

Ach ní fhanfaidh mé fada.” 

Chuaigh sé isteach, 

Is níor chuala mé fós gur tháinig amach.

Bliain 7 – An Ghaoth

Event 708b

An ghaoth aduaidh

Bíonn sí crua

Agus cuireann sí fuacht

Ar dhaoine. 

An ghaoth aneas

Bíonn sí tais 

Agus cuireann sí rath 

Ar shíolta. 

An ghaoth aniar

Bíonn sí fial

Agus cuireann sí iasc

I líonta. 

An ghaoth anoir

Bíonn sí tirim

Agus cuireann sí brait

Ar chaoirigh.